[سارونيتا]

يعطيكم العافية ..
وكل عام وانتم بخيرمع انو صار رمضان بدو يخلص ... وبنهني السيد معمر القذافي الي سبقنا بيوم جزاه الله خيرا مهو صار الصيام ع مزاج الحاكم !!!
عموما..
بعرفش اذا كان العنوان مناسب بس ما لقيت احسن منو ..

ما بدنا نحكي عن لبفطر برمضان أو لبدخن بالاماكن العامه واو الي متخبي بزئه ..

مش موضوعنا ...
الموضوع عن الشباب والصبايا الي بصومو صيامهم العصري على الموديل ..

من ناحيه الصبايا
ميزة كنت أشوفها بصبايا برمضان انو نسبة المكياج بتخف .. او بتنعدم تقريبا ..
بس بالنسبة للبس حدث ولا حرج .. نفس لستايل .. ونفس اللبس ..
واللهم اني صائم ..
ورمضان بالنسبة الهم نوع من التغير وستايل جديد وأجواء جديدة وايمانية وقدسية ما شاء الله عنهم
اما بالنسبه للشباب
عن الشباب اللهم عافينا نسبه الشباب الي بفطرو برمضان اكتر بكتير من الصبايا وشو الي مفطر بكون ماسك هالدخانه ولا علبه الكوكولا ولا اي اشي (ان شاله سم ) ومكيف ع حالو شوفو ما اشطرني بعصي امر ربي استغفر الله العظيم
وامر تاني الا هو مزعج برمضان وبغير رمضان هالشب بكون طاعج حالو بهالسياره ومعلي المسجل ع اعلى موجه وبعلئ ع الرايحه والجاي والدنيا رمضان وهاي هي المشكله الاكبر

ولي بقهرك انو بقلك كلشي حسابو لحال

انتو شو رأيكو ؟؟؟؟؟؟

[الارهابى]

السلام عليكم


اهلا وسهلا فيكى اختى


نورتينى وشرفتينى وفضحتينا كمان لكى مين البيفطر هيداا

وتانى شى يا مسكينه انتى لشو انتى متفاجئه هيييييك

يا ستى تعالى لنقول هالشى

اولا متل ما حضرتك تفضلتى قولتى عن البنات :

يا ستى اساسا البنات سبحانك يا الله ما بيحلى ليهن اللبس او المكياج او او او

الا فى رمضان وهيدا موجود فى الجامعات وبلا اى شك ومتل ما حضرتك تفضلتى

اما نسبه لشباب ربنا يحماهم واسم الله عليهم :

تعالى لحكيلك شى اعتقد يلى شويه هيد مش قادر عم استوعبو انو بيمسك الكولا وبيشرب فى الشارع يعنى الى حد ما المفروض الشرطه او المواطنين يمنعوهم

انا السكاير او السجاير او الدخان اختارو اى وحده ما بعرف الصح فيهم وين

هيدا امر حدث ولا حرج


فى رمضان الماضى كنا فى دوره عسكريه حسبى الله عليهم هلكونا بس الحمد الله

وبكل فخر بقولها كنت انا مدير التدريب فى الموقع كلوو الحمد الله


كنت بعطى السرايا استراحه

يعنى السريه الاولى بتستريح وبعدها بجمع السريه الاولى وبريح السريه التانيه

وانا ما برتاح مسكين يا حرام المهم

لما جمعت السريه الاولى ببص هيك فيها عشر اشخاص ما شاء الله مش موجودين

قلت هربو يعنى طيب والله لجيبكم لو من تحت الارض

كان بجنب الموقع مقبره اخد معى اربعه من الامن مسلحين وانا الخامس وبدئنا ندخل المقبره وطوقناها من كل الجهات على اساس محداش يهرب مو اكتر

يا ستى بمشى الله فى ريحع دخان اتجننت انا

لانى انا اساس بدخن بطلت افهم وسرت اكلم فى حالى وبدى سجاره انا كمان

المهم بديت اقدم شويه شويه بتعرفى وين لقيتهم

اقسملك بالله جالسين فى القبر الجماعى الكبير بين الجماجم والعظام وبيدخنوو

وشو بيتقاتلو على السجاير وبيسبو الدين والرب


بس شو عمرهم ما يخلفو بعدها

ضربت نار تحت رجليهم وعاقبتهم وعملت فيهم العمرو ما اتعمل وهددهم بالفصل

وفوق هيك راح المدير العام عاقبنى وخلانى اعوض الرصاصات الضربتها وشتهم فينى


يا اختى سارونيتا لا تتفاجئى


عادى جداااا



مع خالص تحياتى


الارهابى المقنع

[MaHmOuD]

للأسف الشديد أصبح رمضان مجرد موسم متعدد الأغراض .


فمثلاً نرى جميع الفضائيات تطلق ترسانتها الإعلاميّـة من مسلسلاتٍ وبرامج غرضها الأوّل الربح المادي والإلهاء الديني ثانياً .


وأيضاً ظاهرة الكسل العارم التي تصيب الأغلب من الشباب من الجنسين ، فنراه يقضي شهر رمضان في النوم بدلاً من العبادة .

كما ونرى مثلما ذكرتِ أختي الفاضلة ، أن الإيمان في رمضان يتدرّج لدى أغلب الناس ، فترى المسجد في أوّل رمضان يمتلئ ، ثم يقل عدد المصلين بزيادة عدد أيام رمضان الفائتة .


وتطول القائمة من أمورٍ لم نعهدا ولا تليق برمضان ولا بنا كمسلمين .


ونسأل الله تغيير الأحوال إلى الأفضل .



أطيبَ المُنى

مَـ ح ْـمُـود

[سارونيتا]

اخي
نحن هنا بالقدس لا يوجد عندنا حكومات تمنع ذلك ويكون الشاب يمسك السيجاره بيده او عليه الكوكولا بكل فخر واتعتزاز وكأنه في اي يوم عادي (لا حول ولا قوه الله بالله )


وخير ما فعلت بهؤلاء الشباب كان المفروض تدفنهم بمحل ما كانو


يسلمو ع المرور
الله يعطيك العافيه



ساروينتا

[سارونيتا]

لم يعد رمضان يحمل الجو الايماني الذي كان يحمل من قبل والسبب هو نحن
نحن نترك ما امرنا الله به واقله الصيام فاذا الصيام لا يطبق برمضان فهل ستطبق امور ااخري؟؟؟

لا يسعني الا ان اقول لا حول ولا قوه الا بالله واللهم اصلح احول شبابنا يا رب العالمين

يسلموا ع المرور اخي محمود


الله يعطيك العافيه




ساروينتا

[KANE]

الله يعطيكي العافيه سارونيتا مشكوره

[سارونيتا]

ويعافيك
صاحب السلسله







ساروينتا